Sangam @ Punjabi University Patiala.

ਸੰਗਮ ਗੁਰਮੁਖੀ ਤੋਂ ਸ਼ਾਹਮੁਖੀ (ਉਰਦੂ) ਲਿਪੀਅੰਤਰਨ ਸਾਫਟਵੇਅਰ ਇਕ ਮਹੱਤਵਪੂਰਨ ਸਾਫਟਵੇਅਰ ਹੈ ਜੋ ਮਾਊਸ ਦੇ ਕਲਿੱਕ ਨਾਲ ਗੁਰਮੁਖੀ ਲਿਪੀ ਵਿਚ ਲਿਖੇ ਦਸਤਾਵੇਜਾਂ ਨੂੰ ਸ਼ਾਹਮੁਖੀ (ੳਰਦੂ) ਵਿਚ ਬਦਲ ਦਿੰਦਾ ਹੈ। ਇਸ ਨੇ ਦੋਨਾਂ ਮੁਲਕਾਂ ਦੀਆਂ ਲਿਪੀ ਸਮੱਸਿਆਵਾਂ ਦਾ ਮਸਲਾ ਚੁਟਕੀ ਮਾਰ ਕੇ ਸੁਲਝਾ ਦਿੱਤਾ ਹੈ। ਸੰਗਮ ਦੀ ਵਰਤੋਂ ਆਪਣੇ ਦਸਤਾਵੇਜ ਨੂੰ ਗੁਰਮੁਖੀ ਲਿਪੀ ਵਿਚ ਟਾਈਪ ਕਰਕੇ ਉਸ ਨੂੰ ਸ਼ਾਹਮੁਖੀ ਲਿਪੀ ਵਿਚ ਬਦਲਣ ਅਤੇ ਸੁਰੱਖਿਅਤ ਕਰਨ ਲਈ ਕੀਤੀ ਜਾਂਦੀ ਹੈ। ਸ਼ਾਹਮੁਖੀ ਵਿਚ ਬਦਲੀ ਗਈ ਪਾਠ ਸਮੱਗਰੀ ਨੂੰ ਦੋਨਾਂ ਫੌਂਟਸ ਨਾਸਕ ਅਤੇ ਨਾਸਤਾਲੀਕ ਵਿਚ ਪੜ੍ਹਿਆ ਜਾ ਸਕਦਾ ਹੈ। ਟੈਕਸਟ ਨੂੰ ਬੜੀ ਅਸਾਨੀ ਨਾਲ ਇਨਪੇਜ਼ ਵਿਚ ਭੇਜਿਆ ਜਾ ਸਕਦਾ ਹੈ। ਸੰਗਮ ਪੂਰੀ ਤਰ੍ਹਾਂ ਐਮ.ਐਸ.ਵਰਡ ਦੇ ਅਨੁਕੂਲ ਹੈ। ਐਮ.ਐਸ.ਵਰਡ ਵਿਚ ਬਣੀ ਹੋਈ ਕੋਈ ਵੀ ਗੁਰਮੁਖੀ ਦੀ ਫਾਈਲ ਨੂੰ ਸੰਗਮ ਵਿਚ ਖੋਲ੍ਹਿਆ ਅਤੇ ਸੰਪਾਦਿਤ ਕੀਤਾ ਜਾ ਸਕਦਾ ਹੈ ਤੇ ਫਿਰ ਮਾਊਸ ਦੇ ਇਕ ਕਲਿੱਕ ਰਾਹੀਂ ਸ਼ਾਹਮੁਖੀ ਵਿਚ ਬਦਲਿਆ ਜਾ ਸਕਦਾ ਹੈ।

ਵਿਸ਼ੇਸ਼ਤਾਵਾਂ

ਮਾਊਸ ਦੇ ਕਲਿੱਕ ਰਾਹੀਂ ਗੁਰਮੁਖੀ ਲਿਪੀ ਵਿਚ ਲਿਖੇ ਮੂਲ-ਪਾਠ ਨੂੰ ਸ਼ਾਹਮੁਖੀ ਲਿਪੀ ਵਿਚ ਪਰਿਵਰਤਿਤ ਕਰਨਾ।
ਸ਼ਬਦ ਪੱਧਰ 'ਤੇ ਲਿਪੀਅੰਤਰਨ ਸ਼ੁੱਧਤਾ 97 ਫੀਸਦੀ ਤੋਂ ਵੱਧ।
ਸ਼ਬਦ-ਜੋੜਾਂ ਨੂੰ ਆਪਣੇ-ਆਪ ਦਰੁਸਤ ਕਰਨ ਲਈ ਪਹਿਲਾਂ ਤੋਂ ਹੀ ਮੌਜੂਦ ਪੰਜਾਬੀ-ਉਰਦੂ ਸ਼ਬਦਕੋਸ਼।
ਸੰਖਿਆਵਾਂ ਅਤੇ ਸੰਖੇਪ ਰੂਪਾਂ ਨੂੰ ਸੰਭਾਲਣ ਦੀ ਅਲੱਗ ਵਿਵਸਥਾ।
ਸ਼ਾਹਮੁਖੀ ਆਉਟਪੁਟ ਨੂੰ ਫੌਂਟਸ ਨਾਸ਼ਕ ਅਤੇ ਨਸਤਾਲੀਕ ਵਿੱਚ ਦਿਖਾਉਣ ਦੀ ਵਿਸ਼ੇਸ਼ਤਾ/ਦਸਤਾਵੇਜ ਨੂੰ DOC, HTML, RTF, PDF ਅਤੇ ਯੂਨੀਕੋਡ ਫਾਈਲ ਫਾਰਮੈਟਸ ਵਿੱਚੋਂ ਕਿਸੇ ਵਿੱਚ ਵੀ ਸਾਂਭਣ ਦੀ ਵਿਵਸਥਾ।
ਲਿਪੀਅੰਤਰਨ ਰਫ਼ਤਾਰ 10 ਪੰਨੇ ਪ੍ਰਤੀ ਮਿੰਟ
ਗੁਰਮੁਖੀ ਯੂਨੀਕੋਡ ਅਤੇ ESCII ਵਾਲੀਆਂ ਫਾਈਲਾਂ ਨੁੰ DOC, RTF, HTML ਜਾਂ ਸਾਦੇ ਟੈਕਸਟ ਫਾਰਮੈਟ ਵਿਚ ਤਬਦੀਲ ਕਰਨ ਦੀ ਮਹੱਤਵਪੂਰਨ ਸੁਵਿਧਾ।
ਗੁਰਮੁਖੀ ਟਾਈਪਿੰਗ 'ਚੋਂ ਅਣਜਾਣ ਵਰਤੋਂਕਾਰਾਂ ਲਈ ਮੁਢਲੇ ਗੁਰਮੁਖੀ ਐਡੀਟਰ ਨਾਲ ਕਲਪਿਤ (ਵਰਚੂਅਲ) ਕੀ ਬੋਰਡ ਦੀ ਵਿਵਸਥਾ।
ਆਪਣੀ ਜ਼ਰੂਰਤ ਅਨੁਸਾਰ ਕੀ ਬੋਰਡ ਨੂੰ ਬਦਲਣ ਦੀ ਸੁਵਿਧਾ।
ਅੰਗਰੇਜ਼ੀ ਵਿਚ ਪੰਜਾਬੀ ਪਾਠ ਲਿਖਣ ਲਈ ਪੰਜਾਬੀ-ਅੰਗਰੇਜ਼ੀ ਲਿਪੀਅੰਤਰਨ ਸੁਵਿਧਾ।
ਇਕ ਸੌ ਤੋਂ ਵੱਧ ਗੁਰਮੁਖੀ ਫੌਂਟ ਅਤੇ 37 ਗੁਰਮੁਖੀ ਕੀ ਬੋਰਡ ਲੇਆਉਟ ਦੀ ਵਿਵਸਥਾ।
ਵਰਤੋਂਕਾਰ ਲਈ ਬੇਹੱਦ ਸੁਖਾਲ਼ਾ ਤੇ ਵਿੰਡੋਜ਼ ਦੀਆਂ ਆਧੁਨਿਕ ਵਿਸ਼ੇਸ਼ਤਾਵਾਂ ਨਾਲ ਭਰਪੂਰ।

ਵਿਸ਼ੇਸ਼ਤਾਵਾਂ

ਹਾਰਵਡੇਅਰ ਲੋੜਾਂ

ਸਾਫਟਵੇਅਰ ਲੋੜਾਂ

ਵਿਕਾਸ ਕਰਤਾ

ਕੀਮਤ

ਆਰਡਰ

ਸੰਪਰਕ ਕਰੋ

ਝਲਕ