| 
| 
|  |
|
|
| ||||||||||||||||||||||||||
|
| ||||||||||||||||||||||||||
ਪ੍ਰੋਜੈਕਟ ਬਾਰੇ
ਵਿਆਕਰਨ ਨਿਰੀਖਕ (ਗਰਾਮਰ ਚੈੱਕਰ) ਪ੍ਰੋਜੈਕਟ ਦਾ ਮੰਤਵ ਵਾਕਾਂ ਵਿੱਚੋਂ ਵਿਭਿੰਨ ਵਿਆਕਰਨਿਕ ਤਰੁਟੀਆਂ ਦਾ ਪਤਾ ਲਗਾਉਣਾ ਅਤੇ ਜੇਕਰ ਸੰਭਵ ਹੋਵੇ ਤਾਂ ਉਹਨਾਂ ਨੂੰ ਠੀਕ ਕਰਨ ਲਈ ਸੁਝਾਅ ਦੇਣਾ ਹੈ। ਵਿਆਕਰਨ ਨਿਰੀਖਕ ਇੱਕ ਅਜਿਹੀ ਪ੍ਰਣਾਲੀ ਹੈ ਜੋ ਕਿਸੇ ਭਾਸ਼ਾ ਵਿੱਚ ਲਿਖੇ ਪਾਠ ਦੀਆਂ ਵੱਖ-ਵੱਖ ਵਿਆਕਰਨਿਕ ਤਰੁਟੀਆਂ ਲੱਭਦੀ ਹੈ ਅਤੇ ਉਸ ਨੂੰ ਦਰੁਸਤ ਕਰਨ ਬਾਰੇ ਵਰਤੋਂਕਾਰ ਨੂੰ ਸਭ ਤੋਂ ਪਹਿਲਾਂ ਇਨਪੁਟ ਪਾਠ ਪੂਰਵ-ਪ੍ਰੋਸੈੱਸਰ (ਪ੍ਰੀ-ਪ੍ਰੋਸੈੱਸਰ) ਨੂੰ ਦਿੱਤਾ ਜਾਂਦਾ ਹੈ ਜਿਹੜਾ ਕਿ ਇਨਪੁਟ ਪਾਠ ਨੂੰ ਵਾਕਾਂ ਅਤੇ ਸ਼ਬਦਾਂ ਵਿੱਚ ਤੋੜ ਦਿੰਦਾ ਹੈ। ਇਸ ਤੋਂ ਬਾਅਦ ਪ੍ਰਤੀਕ ਪਾਠ ਸਮੱਗਰੀ ਰੂਪ ਵਿਗਿਆਨਿਕ ਵਿਸ਼ਲੇਸ਼ਕ ਨੂੰ ਭੇਜ ਦਿੱਤੀ ਜਾਂਦੀ ਹੈ ਜੋ ਦਿੱਤੇ ਹੋਏ ਪਾਠ ਬਾਰੇ ਵਿਆਕਰਨਿਕ ਜਾਣਕਾਰੀ ਮੁਹੱਈਆ ਕਰਵਾਉਂਦਾ ਹੈ। ਫਿਰ ਪੋਸ (POS) ਟੈਗਰ ਸ਼ਬਦ ਸ਼੍ਰੇਣੀ ਸੰਯੋਜਕ ਦਾ ਕੰਮ ਕਰਦਾ ਹੈ। ਪੋਸ ਟੈਗਰ ਰਾਂਹੀ ਸੰਯੋਜਿਤ ਹੋਈ ਆਉਟਪੁਟ ਵਾਕਾਂਸ਼ ਵਿਭਾਜਕ ਨੂੰ ਦੇ ਕੇ ਵਾਕਾਂਸ਼ਾਂ ਅਤੇ ਉਪਵਾਕਾਂ ਦੀ ਸੀਮਾ ਤਹਿ ਕੀਤੀ ਜਾਂਦੀ ਹੈ। ਆਖਰੀ ਪੜਾਅ 'ਤੇ ਵਾਕਾਂਸ਼ ਪੱਧਰ ਅਤੇ ਫਿਰ ਉਪਵਾਕ ਪੱਧਰ ਉੱਤੇ ਪੋਸ ਟੈਗਰ ਸੂਚਨਾ ਦੇ ਅਧਾਰ ਉੱਤੇ ਵਾਕ ਰਚਨਾ/ਵਾਕਾਤਮਕ ਮੇਲ ਦਾ ਨਿਰੀਖਣ ਕੀਤਾ ਜਾਂਦਾ ਹੈ। ਕਿਸੇ ਵੀ ਲੱਭੀ ਗਈ ਤਰੁਟੀ ਦਾ ਬਿਉਰਾ ਵਰਤੋਂਕਾਰ ਨੂੰ ਪ੍ਰਸਤਾਵਿਤ ਸੋਧ ਸਮੇਤ ਭੇਜ ਦਿੱਤਾ ਜਾਂਦਾ ਹੈ।
ਵਿਆਕਰਨ ਨਿਰੀਖਕ ਭਾਸ਼ਾ ਵਿਓਂਤਕਾਰੀ ਦੇ ਖੇਤਰ ਵਿੱਚ ਬਹੁਤ ਜ਼ਿਆਦਾ ਵਰਤਿਆ ਜਾਣ ਵਾਲਾ ਔਜ਼ਾਰ ਹੈ। ਪਿਛਲੇ ਕਈ ਸਾਲਾਂ ਤੋਂ ਆਮ ਵਰਤੋਂ ਵਾਲੇ ਵਰਡ ਪ੍ਰੋਸੈੱਸਰਾਂ ਨੇ ਵਿਦੇਸ਼ੀ ਭਾਸ਼ਾਵਾਂ ਲਈ ਵਿਆਕਰਨ ਨਿਰੀਖਕ ਮੁਹੱਈਆ ਕਰਵਾਏ ਹਨ। ਕਿਸੇ ਵੀ ਭਾਰਤੀ ਭਾਸ਼ਾ ਲਈ ਅਜਿਹੀ ਪ੍ਰਣਾਲੀ ਉਪਲਭਧ ਨਹੀਂ ਹੈ। ਕੰਪਿਊਟਰ ਵਰਡ ਪ੍ਰੋਸੈਸਿੰਗ, ਸੂਚਨਾ ਲੇਖਣ ਅਤੇ ਦਫ਼ਤਰੀ ਦਸਤਾਵੇਜਾਂ ਦੀ ਛਪਾਈ ਆਦਿ ਦੇ ਕੰਮਾਂ ਵਿੱਚ ਦਿਨ-ਪ੍ਰਤੀ-ਦਿਨ ਲੋਕਪ੍ਰਿਅਤਾ ਹਾਸਲ ਕਰ ਰਿਹਾ ਹੈ। ਇਹਨਾਂ ਸਾਰੇ ਕਾਰਜਾਂ ਦੇ ਸੰਬੰਧ ਵਿੱਚ ਪਾਠ ਦੀ ਵਿਆਕਰਨਿਕ ਸ਼ੁੱਧਤਾ ਦੀ ਉਚੇਚੀ ਲੋੜ ਮਹਿਸੂਸ ਹੋ ਰਹੀ ਹੈ। ਸੋ ਇਸ ਸਥਿਤੀ ਵਿੱਚ ਅਜਿਹੀ ਵਿਆਕਰਨ ਨਿਰੀਖਣ (ਗਰਾਮਰ ਚੈੱਕਰ) ਪ੍ਰਣਾਲੀ ਦੀ ਉਚੇਚੀ ਲੋੜ ਹੈ। ਹਾਲ ਹੀ ਵਿੱਚ ਮਾਇਕ੍ਰੋਸਾਫਟ ਨੇ ਆਫਿਸ ਦੇ ਹਿੰਦੀ ਵਰਡ ਪ੍ਰੋਸੈੱਸਰ ਸੰਸਕਰਨ ਰਾਹੀਂ ਵਿਆਕਰਨ ਨਿਰੀਖਣ ਦੀ ਸੁਵਿਧਾ ਮੁਹੱਈਆ ਕਰਵਾਈ ਹੈ। ਪਰ ਇਹ ਇੱਕ ਵਪਾਰਕ ਉਤਪਾਦ ਹੋਣ ਕਾਰਨ ਆਮ ਵਿਅਕਤੀ ਦੀ ਪਹੁੰਚ ਤੋਂ ਬਾਹਰ ਹੈ। ਇਸ ਲਈ ਸਾਡੇ ਗਿਆਨ ਮੁਤਾਬਿਕ ਇਹ ਕੰਮ ਭਾਰਤੀ ਭਾਸ਼ਾਵਾਂ ਵਿੱਚ ਪਹਿਲੀ ਕਿਸਮ ਦਾ ਕੰਮ ਹੋਵੇਗਾ। ਭਾਰਤੀ ਭਾਸ਼ਾਵਾਂ ਵਿੱਚ ਬਹੁਤ ਸਾਰੀਆਂ ਸਾਂਝਾਂ ਹਨ। ਇਸ ਲਈ ਵਰਤਮਾਨ ਕੰਮ ਹੋਰਨਾਂ ਭਾਰਤੀ ਭਾਸ਼ਾਵਾਂ ਲਈ ਪ੍ਰਸਾਰਮਈ ਹੋ ਸਕਦਾ ਹੈ।
ਇਸ ਖੋਜ ਕਾਰਜ ਦੇ ਹੇਠ ਲਿਖੇ ਮੰਤਵ ਹਨ :
ਇਹ ਪ੍ਰਣਾਲੀ ਕਿਸੇ ਹੋਰ ਸੂਚਨਾ ਅਮਲ ਪ੍ਰਣਾਲੀ ਵਿੱਚ ਵਰਤੀ ਜਾ ਸਕਦੀ ਹੈ ਜਿੱਥੇ ਪ੍ਰਕਿਰਿਆ ਤੋਂ ਪਹਿਲਾਂ ਸਹੀ ਵਿਆਕਰਨ ਵਾਲੀ ਇਨਪੁਟ ਦੀ ਜ਼ਰੂਰਤ ਪੈਂਦੀ ਹੈ।ਇਸ ਪ੍ਰਣਾਲੀ ਦੇ ਵਿਭਿੰਨ ਭਾਗਾਂ ਜਿਵੇਂ ਕਿ ਰੂਪ ਵਿਗਿਆਨਿਕ ਵਿਸ਼ਲੇਸ਼ਕ, ਰੂਪ ਵਿਗਿਆਨਿਕ ਉਤਪਾਦਕ, ਸ਼ਬਦ ਸ਼੍ਰੇਣੀ ਸੰਯੋਜਕ, ਵਾਕਾਂਸ਼ ਵਿਭਾਜਕ ਆਦਿ ਵਿੱਚ ਮਾਮੂਲੀ ਸੋਧ ਕਰਕੇ ਇਨ੍ਹਾਂ ਨੂੰ ਮਸ਼ੀਨ ਅਨੁਵਾਦਨ ਦੇ ਕੰਮ ਲਈ ਵਰਤਿਆ ਜਾ ਸਕਦਾ ਹੈ।ਇਸ ਦੀ ਵਰਤੋਂ ਪੰਜਾਬੀ ਵਿੱਚ ਰਸਮੀ ਚਿੱਠੀ ਪੱਤਰਾਂ ਆਦਿ ਨੂੰ ਚੈੱਕ ਕਰਨ ਲਈ ਕੀਤੀ ਜਾ ਸਕਦੀ ਹੈ।
ਇਹ ਪ੍ਰੋਜੈਕਟ ''ਸੰਚਾਰ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲਾ'', ਨਵੀਂ ਦਿੱਲੀ ਵੱਲੋਂ ਅਮਲ 'ਚ ਲਿਆਂਦਾ ਗਿਆ ਹੈ। ਮੁੱਖ ਖੋਜਕਾਰ
ਪ੍ਰੋਜੈਕਟ ਭਾਸ਼ਾ ਵਿਗਿਆਨੀ
ਸਿਸਟਮ ਐਨਾਲਿਸਟ
ਲੈਕਸੀਕਲ ਐਂਟਰੀ ਅਪਰੇਟਰ
|